Канашри муниципаллă округра вырăнти пуçару программипе кăçал 70 ытла проект хута кайĕ.
Вĕсене ял халăхĕ пĕрлехи пухура йышăнса хăварнă. Сухайкасси ялĕнче, сăмахран, Ачасене хÿтĕлемелли пĕтĕм тĕнчери кун тĕлне фонтан ĕçлеме тытăнчĕ. Ăна ĕçе кĕртме 300 пин тенкĕ укçа уйăрнă.
Пайкилт ялĕнче асăннă программăпа Волков урамĕнчи шыв пăрăхĕсене çĕнетнĕ. Юсав ĕçĕсем пĕр миллион ытла тенке кайса ларнă. Хальхи вăхăтра подрядчик чавнă çĕре техникăпа каялла тĕртсе тикĕслет.
