«Канмаш» агрофирмăра ял хуçалăх ĕçченĕсем тыр-пулпа техника культурисене пуçтарнипе пĕрлех севок сухан уйĕнче те ĕçлеççĕ. Кăçал çак пахча çимĕçе хуçалăхра вăрăран 10 гектар çинче туса илнĕ.
Çывăхри ялсенче пурăнакансем ăна çу каçипе çум курăкран тасатнă, ятарлă агрегат шăрăх çанталăкра шăварса тăнă. Тăрăшни сая кайман, сухан шултра тата йышлă çитĕннĕ.
Ачча ял территорийĕнче «Канмаш» агрофирма нумаях пулмасть склад хута янă, суханăн çĕнĕ тухăçне унта управа хурĕç.
