Тăрăн ялĕнчи «Улах» фольклор ушкăн час-часах юнашар ялсене хăйсен пултарулăхне кăтартма тухса çÿрет. Куракансене илемлĕ чăваш халăх юрри-ташшипе, шÿтсемпе савăнтарать.
Пĕтĕм тĕнчери хĕрарăмсен кунĕ ячĕпе саламлама тăрăнсем Мăкăр ялĕнче те кĕтнĕ хăнасем пулса тăчĕç.
Тус-тăванлăх, хăна юррисем уява пухăннисемшĕ чун уççи пулчĕç.
Куракансем кашни юрра тăвăллăн алă çупса артистсене хавхалантарса тăчĕç, мĕн пур ыррине анчах сунчĕç.
«Улах» фольклор ушкăн репертуарĕ асатте-асаннерен упранса юлнă юрă-ташăпа пуян.
«Улах» фольклор ушкăна çÿ- рекенсене, вĕсен ертÿçине Николай Семенова пĕтĕм чун-чĕререн тав тăватпăр, малашне те çирĕп утăмсем тума, иксĕлми хавхалану, çитĕнÿ, çирĕп сывлăх сунатпăр.
Вероника ИВАНОВА
