Чӑваш Енри студенткӑсене 100-шер пин тенкӗ укҫа парӗҫ. Пурне те мар. Ача амӑшӗ пулма хатӗрленекеннисене.
Йывӑр ҫын пулнӑ май учета тӑнӑ ҫамрӑк хӗрарӑмсене патшалӑх хыснинчен хушма укҫа пама тытӑнӗҫ. Нухрата кӑҫалхи кӑрлач уйӑхӗн 1-мӗшӗ хыҫҫӑн учета тӑнисене, ҫие юлнӑранпа 12 эрне иртсен парӗҫ. Укҫана Чӑваш Енре пурӑнакансем, хамӑр тӑрӑхри вӗренӳ заведенийӗсенче ӑс пухакансем тивӗҫӗҫ.
