Ҫӗнтерӳ парадне хутшӑннӑ

Мускавра иртнӗ Ҫӗнтерӳ парадне чӑваш каччисем те хутшӑннӑ.
Парадра Даниил Николаев, Илья Игнатьев тата Никита Игнатьев (Тӑвай округӗнчи Тӑрмӑшри шкулта вӗреннӗ), Александр Петриков ӳкерчӗкре (Канаш округӗнчи Шӑхасанти шкулта пӗлӳ илнӗ), Канаш округӗнчи Чакаҫри шкулта вӗреннӗ Егор Патшин, Чӑваш кадет корпусӗнче вӗреннӗ Александр Сарбаев, Иван Улеев (Шупашкар округӗнчи Ҫӳлтикасси шкулӗнче пӗлӳ илнӗ), Никита Ларионов (Сӗнтӗрвӑрри округӗнчи Сӗнтӗрпуҫри шкулта вӗреннӗ), Елчӗкри шкулта вӗреннӗ Роман Ильин, Елчӗк округӗнчи Лаш Таяпари пӗртӑван Осиповсем, Йӗпреҫ округӗнчи Чӑрӑшкассинчи Станислав Григорьев, Елчӗк округӗнчи Ҫирӗклӗ Шӑхальти Артем Савинов.
Сӑмах май, кӑҫал Мускаври Хӗрлӗ тӳремри парада 11 пин ытла ҫар ҫынни хутшӑннӑ.