Канаш тăрăхĕнче, чи илемлĕ урама тата капăр сăн кĕртнĕ кил-хуçалăха тупса палăртас тĕллевпе, çулсеренех конкурс йĕркелесе ирттереççĕ.
Заявкăсене йышăнма пуçланă та ĕнтĕ. Конкурс комиссийĕ ĕçсене утă уйăхĕн 18-мĕшĕччен кĕтет. Вĕсене тÿресем пилĕк енпе хаклĕç.
Çĕнтерÿçĕсене укçан преми тата дипломсем парса хавхалантарĕç. Çавăнпа, енчен те сирĕн хуçалăхри кану кĕтесĕ илĕртÿлĕхĕпе ыттисенчен уйрăлса тăрать пулсан, вăл конкурсра мала тухас пĕтĕм шанăç пур.
