Интернетпа тивĕçтернине тĕрĕсленĕ

Ялсене пахалăхлă тата пысăк хăвăртлăхлă интернетпа тивĕçтернине тĕрĕслеççĕ.
Çак тĕллевпе «Единая Россия» партин «Цифровая Россия» проект хастарĕсем республикăн тĕрлĕ кĕтесне çитеççĕ.
Нумаях пулмасть вĕсем Комсомольски тăрăхĕнчи Урмаелте тата Тукайра пурăнакансемпе тĕл пулнă. Маларах çак ял çыннисем пахалăхлă интернетпа тивĕçтерме ыйтса вырăнти депутатсем патне пынă.
Партпроект хастарӗсем пралуклӑ интернет кĕртессипе ҫыхӑннӑ ыйтусене хуравланă. Çавăн пекех ултавçăсенчен мĕнле сыхланмаллине ăнлантарнă.