Чăваш Енре шкул ачисен регионсен хушшинчи, пĕтĕм тĕнчери чăваш чĕлхипе литературин, тутар чĕлхипе литературин, мордва чĕлхипе литературин олимпиадисенче мала тухнă вĕренекенсен педагогĕсене республика Пуçлăхĕн ячĕпе укçан хавхалантараççĕ.
Кăçал çак хисепе камсем тивĕçни паллă ĕнтĕ. Хушăва Чăваш Ен Пуçлăхĕ Олег Николаев алă пусса çирĕплетнĕ. Вĕренекенĕ чăваш чĕлхипе литературин пĕтĕм тĕнчери олимпиадинче призерсен йышне кĕнĕшĕн 50 пин тенкĕ укçана илме тивĕçнĕ педагогсен йышĕнче Галина Григорьева та пур. Вăл Канаш хулинчи 6-мĕш шкулта ĕçлет.
.
