Раççей ял хуçалăх министрĕн пĕрремĕш çумĕ Джамбулат Хатуов Чăваш Ен ял хуçалăх министрĕн Сергей Артамоновăн ĕçне пысăка хурса хакланă. Кун пирки вăл авăн уйăхĕн 29-мĕшĕнче республикăн Правительство çуртĕнче регион Пуçлăхĕпе Олег Николаевпа ирттернĕ тĕлпулура каланă.
«Сергей Геннадьевич ĕçе малалла тăсни пушшех те кăмăллă. Ăна шаннишĕн сире тав тăватăп. Пирĕн шутпа, вăл — ĕçлеме чи хатĕр министрсенчен пĕри», — тенĕ Мускавран килнĕ хăна.
Сергей Артамонов федерацин Атăлçи округĕнчи субъектсенчи чи лайăх виçĕ министр, Раççейри чи лайăх 20 министр шутне кĕрет иккен.
Ĕçлеме чи хатĕр министрсенчен пĕри
