Çак кунсенче Канаш районĕн хисеплĕ çынни Мария Никитична Данилова хăйĕн çуралнă кунне паллă тунă. Вăл 85 çул каялла Атнаш ялĕнче çут тĕнчене килнĕ. Юбиляра çак паллă пулăмпа район администрацийĕн пуçлăхĕ Сергей Михайлов, районти ветерансен канашĕн председателĕ Виталий Петров тата çывăх тăванĕсемпе юлташĕсем саламланă.
Çулĕсене пăхмасăр Мария Никитична районăн обществăлла ĕçĕсене хастар хутшăнать. «Районăн 95 çулхи юбилейĕнче тăван ен аталанăвне пысăк тÿпе хывнă хастарсене чысланин сумĕпе пĕлтерĕшĕ уйрăмах пысăк, сире çирĕп сывлăх, телей тата вăрăм кун-çул сунатăп», — тенĕ Сергей Михайлов хăйĕн салам сăмахĕнче.
Чылай çул тÿрĕ кăмăлпа ĕçленĕшĕн Мария Данилована «Хисеп Палли» орденĕпе,
СССР Культура Министерствин хисеп грамотипе тата ытти чылай сумлă награда парса чысланă.
