Нумаях пулмасть Вăтапуç салинче пурăнакан Раиса Петровна Соловьева 90 çулхи юбилейне паллă тунă. Çуралнă кунпа юбиляра ял территори пайĕн ертÿçи Анастасия Глухова, унта тăрăшакан специалист Елена Григорьева тата салари культура çурчĕн заведующийĕ Татьяна Васильева саламланă.
Хăнасем Раиса Петровнана Раççей Президенчĕ Владимир Путин ячĕпе салам открытки, асăнмалăх парне панă, çирĕп сывлăх тата канлĕ ватлăх суннă.
Раиса Соловьева Çăлпуç ялĕнче çуралнă. Унăн ачалăхĕ йывăр вăрçă çулĕсенче иртнĕ. Ĕç ĕмĕрне вăл тăван хуçалăхра ĕçлесе ирттернĕ. Тивĕçлĕ канăва тухсан тата 9 çул культура çуртĕнче техслужащи пулса тимленĕ. Мăшăрĕпе çичĕ ача çитĕнтерсе пурнăç çулĕ çине кăларнă.
