Çулсерен, çур акине пуçăниччен, округри ял хуçалăх предприятийĕсемпе хресчен-фермер хуçалăхĕсем тата çавăн пекех техника тытакан уйрăм çынсем хăйсен техникине техтĕрĕслев витĕр кăлараççĕ.
Çак тĕллевпе Патшалăх технадзор инспекцийĕнче ятарлă график çирĕп-летнĕ. Унпа килĕшÿллĕн вырăнта техосмотр ĕçне йĕркелесе пыракан аслă инспектор Денис Егоров кашни ял территорине çитсе килĕ.
Техтĕрĕслев кăçал «Пионер» агрофирмăра пуçланнă. Унта, ытти хуçалăхсемпе танлаштарсан, хăват- лă тракторсен йышĕ пысăк, вĕсем çулĕпе те «çамрăк». Çавна май хак-лав ĕçĕ те вăраха тăсăлман. Денис Егоров асăннă хуçалăхра механизаторсем техникăна типтерлĕ тытнине, кашни трактора техтĕрĕслеве лайăх хатĕрлесе çитернине палăртнă. Ыттисен камран ырă тĕслĕх илмелли пурах.
