Кăрлач уйăхĕн пуçламăшĕнче Шупашкарти аэропорта малалла юсама тытăннă. Хальхи вăхăтра вĕçсе килекенсене йышăнакан зонăна юсаççĕ. Çавна май кивĕ стенасене тата урайсене сÿтнĕ.
Аса илтеретпĕр, иртнĕ уйăхăн вĕçĕнче аэропортра вĕçсе каякан пассажирсем валли çĕнĕ терминал ĕçлесе кайнă. Çавна май аэропортăн инфраструктури те самаях улшăннă, унăн лаптăкĕ 1500 тăваткал метртан 5000 тăваткал метр таран пысăкланнă.
