Канашри транспортпа энергетика техникумĕнче вĕренекенсем «Çĕнĕ çул кашни киле» акцие хастар хутшăннă.
Студентсем техникумра чылай çул ĕçлесе тивĕçлĕ канăва тухнă вĕрентекенсем патĕнче хăнара пулнă. Çамрăксем ĕнерхи педагогсене Çĕнĕ çул уявĕпе саламланă, парнесем парса кăмăлĕсене çĕкленĕ. Ватăсем хăйсене çакнашкал тимлĕх уйăрнăшăн пурне те чĕререн тав тунă.
