Златоуст хули ăçта вырнаçнине пĕлетĕр-и; Шăхасан шкулĕнче вĕренекенсем вара çак ыйту çине пĕр тăхтаса тăмасăрах хуравлама пултараççĕ. Златоуст Челябинск облаçĕнче вырнаçнă. Ачасем унта металлурги производстви çирĕп аталаннине те пĕлеççĕ. Тавралла Урал тăвĕн илемлĕ пейзажĕ- сем куçа илĕртни те вĕсемшĕн вăрттăнлăх мар.
Шăхасан шкулĕнче кĕçĕн класра вĕренекенсем кĕнеке хушшине хумалли закладкăсене пĕр-пĕрин хушшинче улăштармалли ятарлă проекта хутшăннă. Çак тĕллевпе Златоуст хулинчи 25-мĕш номерлĕ шкулта вĕренекенсене суйласа илнĕ. Ачасем аякри юлташĕсем валли закладкăсене ăсталанă чухне тăван ен культурине тĕпе хунă, вĕсем çине чăваш эрешĕсене вырнаçтарнă.
