Чăваш Ене çĕнĕ 12 шкул автобусĕ илсе килнĕ. Вĕсенчен 9-ĕшне туянма укçа-тенкĕ-пе федераци бюджечĕ тивĕçтернĕ, 3-ĕшне республика шучĕпе туяннă.
Автобуссене Патăрьел, Вăрнар, Йĕпреç, Муркаш, Шупашкар, Етĕрне тăрăхĕсене ăсатнă. Шкул автобусне çавăн пекех Шупашкарти тăлăх тата ашшĕ-амăшĕн хÿттисĕр юлнă ачасен центрне те панă.
Çĕнĕ автобуссене ГЛОНАСС системипе, хăрушсăрлăх пиçихийĕсемпе тивĕçтернĕ. Унта çавăн пекех ятарлă маяк та пур.
