Юнкун Канаш тăрăхĕнче пĕрлехи информаци кунĕ иртнĕ. Информушкăн хастарĕсем çынсемпе тĕл пулса яланхиллех пĕлтерĕшлĕ чылай ыйтăва сÿт- се явнă.
Округ пуçлăхĕ Валерий Чернов ертсе пыракан ĕçлĕ ушкăн Канашри чăх-чĕп фабрикинче пулнă. Унта тăрăшакансене Чăваш Ен Пуçлăхĕн Патшалăх Канашне янă Çырăвĕн тĕп енĕсемпе паллаштарнă, Чăваш Республикин Министрсен Кабинечĕн иртнĕ çулхи ĕç-хĕлне уçăмлатнă, усламçăсене тивекен çăмăллăхсем çинче чарăнса тăнă. Çавăн пекех Çĕнтерÿпе патриотизм çулталăкĕнче йĕркелесе ирттерме палăртнă мероприятисене те пысăк тимлĕх уйăрнă.
