«Çĕнтерÿ» мемориал паркĕнче ятарлă çар операцийĕнче пуçне хунă салтаксен ячĕпе Астăвăм стени çĕклĕç.
Парка йĕркелесе çитерссинче палăртнисем сахал мар. Мĕн-пур ĕçе çулталăк вĕçĕ тĕлне туса пĕтермелле.
Астăвăм стенине вара регион ертÿçи Олег Николаев хушăвĕпе ака уйăхĕнчех хăпартма пуçламалла.
Çу уйăхĕн 9-мĕшĕ тĕлне никĕс ямалла, тĕп блоксене вырнаçтармалла.
Стена çине çар çыннисен «Быть героем _ жить вечно» девизне çырма йышăннă. Каярах плитасем çинче ятарлă çар операцине хутшăннисен ячĕсене палăртĕç.
Çитес 3 çулта «Çĕнтерÿ» паркĕн сăн-сăпачĕ тĕпрен улшăнмалла.
