Çитес эрнерен, ака уйăхĕн 7-мĕшĕнчен тытăнса, йывăр тиевлĕ автомашинăсене Канаш тăрăхĕн- чи çулсем тăрăх çÿреме чарĕç.
Çак вăхăтлăх чару çу уйăхĕн 6-мĕшĕччен вăйра пулĕ. Тĕплĕнрех округ администрацийĕн çул-йĕрпе транспорт тата коммуналлă хуçалăхпа строительство пайĕн ертÿçи Алексей Петров каласа парать:
— Çак вăхăтлăх чару йĕркине çулсеренех çуркунне вăя кĕртетпĕр. Вăл вырăнти çулсене сыхласа хăварма кирлĕ. Çурхи нÿре сăхнă çул-йĕр, йывăр тиевлĕ техника айĕнче, палăрмаллах юхăнма пултарĕ. Хĕл каçипе çулсем çинчи «аманнă» лаптăксем те, çак сăлтава пулах, ишĕлсе пысăкланса каяс хăрушлăх та пур. Çав вăхăтрах вăхăтлăх чару автобуссене, апат-çимĕçпе эмел, топливо тата почта турттаракан машинăсене пырса тивмĕ.
