Канаш енри ял хуçалăх предприятийĕсенче техникăн юсавлăхне тĕрĕслеççĕ. Çак ĕçе çулсерен çур аки умĕн туса ирттереççĕ. Техтĕрĕслев йĕрки çинчен Патшалăх технадзор инспекцийĕн вырăнти ертÿçи Денис Егоров каласа парать:
— Ĕç графикĕпе килĕшÿллĕн техтĕрĕслев Канаш тăрăхĕн-че ака уйăхĕн пĕрремĕшĕнче пуçланчĕ. Вăл уйăх вĕçленичченех пырĕ. Çак тапхăрта кашни хуçалăхах çитсе килĕп. Хальхи вăхăт тĕлне техника юсавлăхĕ- пе Макаров фермер хуçалăхĕн- че тата «Пионер» агрофирмăра пулса паллашрăм. Ытларикун «Канмаша» çула тухрăм. Уя — шанчăклă техникăна çеç кăларăпăр, çавăнпа хуçалăх ертÿçисене ăна техтĕрĕслеве тĕплĕн хатĕрлесе çитерме ыйтатăп.
