Канаш енри çĕр ĕçченĕсем акана тухнă. Уй-хир ĕçĕсемпе округ администрацийĕн ял хуçалăх пайĕн ертÿçи Виктор Васильев паллаштарать:
— Çурхи культурăсене акма Канаш тăрăхĕнче чи малтан «Хучель» пĕрлĕх ĕçченĕсем пуçăннă. Вĕсем çанталăк çумăра кайиччен 30 гектар çинче сĕлĕ акса хăварнă. Асăннă хуçалăхра пĕрчĕллĕ тата пăрçа йышши культурăсене кăçал 600-е яхăн гектар çинче акма палăртаççĕ. «Пионер» агрофирма, пысăк утар тытаканскер, фацели уйĕсене анлăлатнă. Ытти хуçалăхсем типнĕ лаптăксем çинче кĕрхи çĕртме анисене (150 гектар çинче) тата нумай çул ÿсекен курăксен уйĕ- сене (2300 гектар çинче) сÿресе тухнă, пĕтнĕ лаптăксене люцерна вăрри акса çĕнетнĕ. Кĕрхи культурăсене 3240 гектар çинче апатлантарнă.
