Салтака асăнса часавай лартаççĕ

Шаккăл салинчи масар çинче часавай çĕкленет. Ăна ятарлă çар операциĕнче пуç хунă салтака Дмитрий Егорова асăнса лартаççĕ. Тĕплĕнрех салара пурăнакан Надежда Павлова каласа парать:
_ Дмитрий Александровичăн пурнăçĕ СВО-ра виçĕм çул вăхăтсăр татăлчĕ. Унăн ашшĕ Александр Егоров, ял масарĕ çинче _ ывăлне асăнса, часовня лартас пуçарупа тухрĕ. Ял халăхĕ тата вырăнти администраци çак шухăша ырласа йышăнчĕ. Александр Анатольевич строительство валли укçа-тенкĕпе хăй тивĕçтерет, пулăшакансем те сахал мар. Хальхи вăхăт тĕлне часовня стенисене хăпартнă та ĕнтĕ, кĕçех унта кашни çын паттăр салтакăн ятне сума суса çурта кĕрсе лартма пултарĕ.