Утă уйăхĕн 18_19-мĕшĕсенче «Чебомилк» агропаркра ăратлă выльăхăн Пĕтĕм Раççейри II аукционĕ иртет. Унта мăйракаллă шултра выльăхăн геномлă селекцийĕ енĕпе малта пыракан технологисене тата сĕт-çу производствине мĕнле çĕнĕлĕхсем кĕртнине кăтартса параççĕ.
Аукционра кашни ăрат çинчен тĕплĕнрех пĕлме, продуктивлăха хакласа таса генетикăллă ăратлă выльăх туянма пулать.
ЧР Пуçлăхĕ Олег Николаев палăртнă тăрăх çак аукцион – регионти выльăх-чĕрлĕх отрасльне аталантарассинчи пĕлтерĕшлĕ утăм. Вăл чи лайăх опытпа паллашма, отраслĕн конкурентлăхне ÿстерме май парать.
Утă уйăхĕн 19-мĕшĕнче «Сĕт вăхăчĕ» фестивальте ял хуçалăхне тата пултарулăха пĕрлештерекен савăнăçлă уяв пулĕ. Унта ачасем хушшинче «Супер- ĕне» ÿкерчĕксен конкурсĕ иртĕ.
