Йăлана кĕнĕ тăрăх, çурла уйăхĕнче Шупашкар çуралнă кунне уявлĕ. Вăл çурлан 16_17-мĕшĕсенче иртĕ. Кăçал та тĕп мероприятисем Константин Иванов скверĕнче, Хĕрлĕ лапамра тата Юрă уйĕнче пулĕç.
Мускав çыранĕнче иртнĕ ĕмĕрĕн 60_70-мĕш çулĕсен ретроспективине йĕркелĕç. Çав вăхăтри юрă-кĕвĕ янăрĕ, çавăн пекех «Атăл çинчи джаз» фестиваль иртĕ. Юрă уйĕнче спортсменсем тупăшĕç, унта тĕрлĕ чемпионат пулĕ. Хĕрлĕ лапамра – «Шупашкар çемйи» фестиваль, Республика тÿремĕнче «Кадрта – хула» курав иртĕ.
Йăлана кĕнĕ тăрăх, «çăлтăрпа зарядка» та пулĕ. Каçхине вара Раççейри паллă эстрада юрăçи Шупашкар çыннисемпе хăнисене саламлĕ. Унăн ятне хальлĕхе пĕлтермен.
