Чăваш Енре 16 çын «Культурăн земство ĕçченĕ» программăна хутшăнма заявкăсем çырнă.
Аса илтеретпĕр: ку программа РФ Президенчĕн хушăвĕпе килĕшÿллĕн кăçалтан пурнăçа кĕме пуçланă. Унăн тĕллевĕ – культура отраслĕнчи кадрсен потенциалне çирĕплетесси, ялсенче тата пĕчĕк хуласенче пурăнакансен пурнăç пахалăхне лайăхлатасси.
Кандидатсем клуб заведующийĕнче, художество ертÿçинче, менеджерта, хореографи тата музыка инструменчĕсен преподавателĕнче, ăслăлăх сотрудникĕнче ĕçлесшĕн. Вĕсенчен 8-шĕ çеç 1 миллион тенке тивĕçĕ, ялсене е пĕчĕк хуласене ĕçлеме кайĕ.
