Утă уйăхĕн 17_20-мĕшĕсенче Куславкка округĕнче çарпа истори клубĕсен тата шырав отрячĕсен Пĕтĕм Раççейри «На рубеже» фестивалĕ иртет.
Кăçал Раççейре Тăван çĕршыв хÿтĕ-левçин, Чăваш Енре Çĕнтерÿпе патриотлăх çулталăкĕ пулнине кура мероприятин программине чылай анлăлатнă: çĕнĕ ăсталăх класĕсем, интерактивлă лапамсем, ретрокино кăтартассине кĕртнĕ. Анлăн иртекен фестивале Чăваш Енрен, Мордва тата Мари республикисенчен çарпа истори клубĕсем тата шырав ушкăнĕсем хутшăнаççĕ.
Мероприятин тĕп пайĕ – 1945 çулта иртнĕ Хĕвелтухăç_Прусси операцийĕн тĕп эпизодне реконструкцилени. Вăл пирĕн ентеш – Совет Союзĕн Геройĕ Александр Боголюбов ертсе пынипе совет салтакĕсем кăтартнă паттăрлăха сăнласа парĕ.
Утă уйăхĕн 19-мĕшĕнче фестивале пуçтарăннисене Куславкка округĕнчи «Чĕмсĕр чикĕсен строителĕсене» мемориала çитсе курма йыхравлаççĕ.
