Футбол манежӗ уҫӑлнӑ

Унта Республика Пуҫлӑхӗ Олег Николаев ҫитсе курнӑ.
Манеж Шупашкарти «Труд» стадионта вырнаҫнӑ. Ӑна хута яма республика бюджетӗнчен 360 миллион тенкӗ ытла уйӑрнӑ.
Кунта спортсменсем хӗлӗн-ҫӑвӗн тренировка, ӑмӑрту ирттерме пултараҫҫӗ. Футболистсем валли хывӑнса тӑхӑнмалли тата медицина пӳлӗмӗсем пур.
Ҫитес вӑхӑтра стадионти тӗп уя ҫӗнетӗҫ. Пурӑна киле унта профессионал лигин матчӗсене ирттерме май пулӗ.