Пулă янă

«Водоканал» пĕрлĕх ĕçченĕсем Атăла 111824 сазан янă. Пулăсене Саратоври питомникра çитĕнтернĕ.
Сазан пĕвесемпе юхан шывсене сиплекен «санитар» шутланать. Шыври ӳсен-тăрана çисе вăл экотытăма тасатать. Вĕтĕ пулăсене Атăла янине «Росрыболовство» агентствăн Атăл-Кама управленийĕн специалисчĕсем сăнаса тăнă. Вĕсем çавăн пекех сазан сывă пулнине çирĕп- летнĕ. Кĕркунне, сăмах май, Атăла пулăпа пуянлатмалли чи ăнăçлă тапхăр шутланать. Çулталăкăн çак вăхăтĕнче шывра кислород нумай, тискер чĕр чунсем вăйсăрланаççĕ. Çавна май вĕтĕ пулăсене аталанма ансатрах.