Полицейскисене чысланă

Чăваш Енре çынсене çăлса паттăрлăх кăтартнă полицейскисене чысланă.
Шалти ĕçсен органĕсен ĕçченĕн кунĕнче Çĕнĕ Шупашкарти патрульпе пост службин полицейскийĕсем пысăк наградăсене тивĕçнĕ.
Владимир Федотов аслă лейтенанта РФ Президенчĕ «Вилĕмрен çăлнăшăн» медаль пама йышăннă. Андриан Матвеев прапорщик РФ ШĔМĕн медальне тивĕçнĕ.
Вĕсем пĕлтĕр нумай хваттерлĕ çуртра тухнă пушарта 2 тата 4 çулсенчи ачасене çăлнă.