Професси конкурсӗнче ҫӗнтернӗ

«Новочебоксарский» теплица комплексӗнче тӑрӑшакан Екатерина Аввакумова «Профессире чи лайӑххи» конкурсра палӑрнӑ.
Вӑл пахчаҫӑ-агроном пулса ĕçлет. Асӑннӑ конкурсра ентешӗмӗр «Пахчаҫӑ» номинацире ҫӗнтернӗ. Наградӑпа ӑна ҫӗршывӑн ял хуҫалӑх министрӗ Оксана Лут чысланӑ. Пӗрремӗш вырӑн йышӑннӑшӑн ӑна 1 миллион тенкӗ преми панӑ.
Екатерина Аввакумова унччен республикӑри ҫавӑн пек конкурсра ҫӗнтернӗ пулнӑ, кайран вӑл федераци шайӗнчи ӑмӑртӑва хутшӑннӑ.