180 ытла хаклӑ япала куҫнӑ

Чӑваш наци музейӗн фончӗ Мария Симакова коллекцийӗпе пуянланнӑ.
РСФСР халӑх ӑсти, РФ тава тивӗҫлӗ художникӗ пурӑннӑ чухне музей унӑн 100 ытла тӗррине илнӗ. Мария Васильевна пурнӑҫран уйрӑлсан тӑванӗсем тупрана типтерлӗн тытнӑ, унтан ӗмӗрлӗх шанчӑклӑ управа парас тенӗ.
Алӑ вӗҫҫӗн тӗрленӗ сӗтел ҫиттисем, чӳрече каррисем, капӑрлӑхсем, эскизсем… Музей фондне 180 ытла хаклӑ япала куҫнӑ.
Халӗ вӗсене шута илессипе, тишкерессипе пысӑк ӗҫ пырать.