Татьяна Смагина 101 çул тултарнă

Канаш хулинче пурăнакан Татьяна Васильевна Смагина 101 çул тултарнă.
Вăл Урал тăрăхĕнче çуралса ÿснĕ. Тăван çĕршывăн Аслă вăрçи пуçлансан çамрăк пике заводра вăй хунă. Аслă Çĕнтерÿ хыççăн Уралти политехника институтĕнчен вĕренсе тухнă. Инженер-механик пĕлĕвĕ илнĕ ăста специалист Алапаевкскри техникумра студентсене вĕрентнĕ. Ĕç ветеранĕ ята тивĕçнĕ.
Тыл ĕçченĕ мăшăрĕпе Николай Дмитриевичпа вăрăм тата телейлĕ пурнăç пурăнса ирттернĕ. 2002 çултанпа Татьяна Васильевна Канашра пурăнать. Çирĕп вăй-халĕпе тата хастарлăхĕпе палăрса тăрать. Ветерана черетлĕ çуралнă кунпа ăшшăн саламлатпăр, канлĕ ватлăх тата вăрăм ĕмĕр сунатпăр.