Çул çӳревсенче тунсăх мар

Çĕнĕ Шупашкарта пурăнакан Алексей Мидяков çул çинчи пурнăçа тахçанах хăнăхнă. Вăл – дальнобойщик. Çул çӳрев- сенче ăна пĕрре те тунсăх мар, мĕншĕн тесен Фунтик ятлă енот яланах унпа пĕрле. Çăмламас чĕр чун 8 уйăх каялла водителĕн шанчăклă тусĕ пулса тăнă.
Фунтика Алексей Крымра питомникра ĕçленĕ чухне туяннă. Халĕ чĕр чун пĕчĕк-ха, 8 кг кăна таять. Алексей чĕр чуна ахальтен çапла ят паман. Хăйĕн шанчăклă тусĕпе вăл совет мультфильмĕнчи сăнарсем – Мокус мучипе Фунтик – пек çĕршыв тăрăх курса çӳрет. «Хăй тирпейлĕ, анчах хăш чухне сысна пекех çиет. Çавăнпа та ăна Фунтик тесе чĕнетĕп», – ятне тӳрре кăларма тăрăшать арçын.
Пĕрле вĕсем Чăваш Енрен Владивостока çити çул тытнă, кăнтăрта пурăннă. Алексей Крым кĕперне тунă çĕре те хутшăннă. Шăрăх çанталăк йăлăхтарсан Çурçĕрелле куçнă.