Асӑну хӑми вырнаҫтарнӑ

Шупашкарта Виталий Сергеев профессора асра тытса нарӑс уйӑхӗн 5-мӗшӗнче асӑну хӑми уҫнӑ. Ӑна хулари Университет урамӗнчи 20-мӗш ҫуртӑн 1-мӗш корпуcӗ ҫине вырнаҫтарнӑ.
Виталий Сергеев – чӗлхе тӗпчевҫи, филологи наукисен докторӗ, профессор, Чӑваш Республикин наукӑн тава тивӗҫлӗ ӗҫченӗ, Н.И. Ашмарин ячӗллӗ преми лауреачӗ, Раҫҫейӗн аслӑ пӗлӗвӗн хисеплӗ ӗҫченӗ.
Виталий Иванович 1942 ҫулхи кӑрлачӑн 20-мӗшӗнче Элӗк районӗнчи Мартынкассинче ҫуралнӑ, 2018 ҫулхи юпа уйӑхӗн 16-мӗшӗнче пурнӑҫран уйрӑлса кайнӑ.