Пир татăкĕсенчен – илемлĕ ӳкерчĕк

Етĕрне тăрăхĕнчи Анат Ачак ялĕнче çуралнă Иван Семенов пусма татăкĕсенчен илемлĕ ÿкерчĕксем ăсталать.
Ал ĕçне ăна ашшĕ Михаил Иванович вĕрентнĕ. Аслашшĕ, колхозра трактористра ĕçленĕскер, лайăх ӳкернĕ. Хуçалăх ертӳçи ыйтнипе плакатсем тунă. Миша та ашшĕ пек ӳкерме ĕмĕтленнĕ, анчах вăл вăхăтра çемьен тĕрлĕ тĕслĕ кăранташсемпе сăрăсем пулман.
Пĕр кун ашшĕ-амăшĕ ĕçе кайсан 6 çулти Миша пиччĕшĕпе тата йăмăкĕпе кăмакаран кăмрăк туртса кăларнă, çурта урайĕнчен пуçласа маччана çити «капăрлатнă». Паллах, кун хыççăн вĕсене çуса тасатма тивнĕ.