Владивостока ҫуран кайма тухнӑ

Мускавран Владивостока ҫуран кайма тухнӑ упӑшкипе арӑмӗ Чӑваш Ене ҫитнӗ.
Пашӑпа Тома кӑрлачӑн 19-мӗшӗнче ҫула тухнӑ. Вӗсем 9500 ҫухрӑма ҫуранах парӑнтарма палӑртнӑ, транспортпа усӑ курмӗҫ. Канмалли кунсенче вӗсем Чӑваш Ене ҫитнӗ, пирӗн регион илемлӗ, халӑхӗ тарават пулнине палӑртнӑ. Малалла ҫулӗ Владивосток еннелле выртӗ. Унта вӗсем ҫулталӑк вӗҫлениччен ҫитесшӗн.
Пашӑпа Тома рекорд лартассишӗн мар, хӑйсене тӗрӗслессишӗн, ҫемьене ҫирӗплетессишӗн ҫула тухнӑ.