Пӗрремӗш хут пулӗ

Кӗрешӳ Пӗтӗм Раҫҫейри XVIII ҫамрӑксен ҫар искусствин вӑййисен программине кӗнӗ. Ҫакӑн ҫинчен Чӑваш Республикин Пуҫлӑхӗ Олег Николаев пӗлтернӗ.
«Ку паллӑ пулӑм: кӗрешӳ кун пек пысӑк ӑмӑртусенче пӗрремӗш хут пулӗ», – тенӗ регион ертӳҫи. Ӑмӑртура республика чысне кам хӳтӗлесси ака уйӑ- хӗн 19-мӗшӗнче паллӑ пулӗ. Ун чухне республика III чемпионачӗпе тата первенствипе килӗшӳллӗн суйлав тупӑшӑвӗсем иртӗҫ.
Пӗтӗм Раҫҫейри XVIII ҫамрӑксен ҫар искусствин вӑййисем авӑн уйӑхӗн 7-23-мӗшӗсенче Анапӑра тата кӳршӗ Витязево поселокӗнче иртӗҫ. Ӑмӑрту 4 категорипе пулӗ: 10-11 ҫулсенчисем, 12-13 ҫулсенчисем, 14-15 ҫулсенчисем тата 16-21 ҫулсенчисем.