Тирпейлӗ касать

Чӑваш патшалӑх аграри университечӗн ӑсчахӗсем ял хуҫалӑхӗнче усӑ курмалли агрегат шухӑшласа кӑларнӑ.
Инженери факультечӗн технопаркӗн специалисчӗсем хӑмлан тунине касмалли дисклӑ хатӗр шутласа кӑларса ӑна патентланӑ. Ҫӗнӗ хатӗре ятаралса аграрисем валли тунӑ. Вӑл хӑмлан тунисене тирпейлӗ те тӳрӗ касать, ҫапла ӳсен-тӑран тӗрӗс йӗркеленсе паркаланса ӳсет. Ку вара пулас тухӑҫа лайӑх витӗм кӳрет.
Ҫӗнӗ хатӗре Чӑваш Енри хӑмла плантацийӗсенче тӗрӗслесе пӑхнӑ. Техника хӑйне лайӑх енчен кӑтартнӑ.