«Земство почтальонĕ» конкурс иртет

«Земство почтальонĕ» конкурс çĕнтерӳçи 250 пин тенкĕ илĕ. Интернет сасăлавра çĕнтерсе «Халăх почтальонĕ» ята тивĕçекен вара 150 пин тенкĕллĕ пулĕ.
Конкурса 50 пинрен сахалрах çын пурăнакан ял-хулари почтальонсем хутшăнаяççĕ. Вĕсен ĕç стажĕ пĕр çултан кая мар пулмалла. Заявкăсене земскийпочтальон.рф сайтра ака уйăхĕн 2-мĕшĕччен йышăнаççĕ.
Палăртмалла: «Земство почтальонĕ» конкурс «Пĕрлĕхлĕ Раççей» партин «Раççей сали» проекчĕпе килĕшӳллĕн иртет.