Пулӑҫ шыва кайнӑ

Сосновка ҫывӑхӗнче Атӑлта пулӑҫ пӑр айне анса кайнӑ. Ҫӑлавҫӑсем ӑна вӑхӑтра килсе пулӑшнӑ.
Республикӑри шыравпа ҫӑлав служби пӗлтернӗ тӑрӑх, инкек пуш уйахӗн 29-мӗшӗнче пулнӑ. Ҫӑлав службине икӗ пулӑҫ ҫыран хӗррине ҫитейменни ҫинчен шанкӑрав ҫитнӗ, пӗри ирӗлнӗ вырӑнта шыва кайнӑ.
Ҫӑлавҫӑсем пӗр тӑхтамасӑр пулӑҫсем патне «Ижора» аэрокимӗпе ҫитнӗ. Иккӗшне те ҫыран хӗррине илсе тухнӑ. Унтан вӗсене тухтӑрсене сывлӑхне тӗрӗслеме панӑ.