Сывлăш температури выляса тăрĕ

Ака уйăхĕ ăшă çанталăкран пуçланчĕ. Çапах та ку эрнере сывлăш температури чакса пыни палăрать. Канмалли кунсенче вара ытларах сивĕтме пултарĕ.
Синоптиксем палăртнă тăрăх, ку уйăхра юр-çумăр климат норминчен сахалрах пулĕ. Акан 24-25-мĕшĕсенче вăйлă çумăр çăвĕ.
Çак уйăх тăршшĕпе сывлăш температури выляса тăрĕ. Чи ăшă кунсем виççĕмĕш декадăра пулĕç – сывлăш 17-19 градус таран ăшăнĕ. Апла пулин те уйăх вĕçленичченех каçсерен çĕр шăнĕ. Ака уйăхĕ ытти чухнехинчен 1 градус сивĕрех пулĕ.