Чӑваш Ен – малтисен ретӗнче

Чӑваш Ен Пӗтӗм Раҫҫейри «БумБатл» конкурса хутшӑнса палӑрнӑ.
Республикӑра пурӑнакансем пӗтӗмпе 177,1 тонна макулатура пухнӑ. Ҫапла пирӗн регион виҫӗ лидер йышне кӗнӗ.
Акципе килӗшӳллӗн лидер регионсен танлаштарӑмне хатӗрленӗ. Субъектсене халӑх йышне кура пилӗк категорие пайланӑ. Пирӗн республика вӑтам йышлӑ халӑхлӑ регионсен хушшинче малтисен ретне кӗме пултарнӑ.
Палӑртса хӑварар: Пӗтӗм Раҫҫейри «БумБатл» акци «Экологи ырлӑхӗ» наци проекчӗпе килӗшӳллӗн иртет.