Республикӑра 9 пин ытла донор пурӑнать

Чӑваш Енре ҫулталӑк пуҫланнӑранпа 50 ҫын «Раҫҫейӗн хисеплӗ донорӗ» ята тивӗҫнӗ.
Ака уйӑхӗн 20-мӗшӗнче Донорсен наци кунне паллӑ тунӑ. Ҫав кун республикӑра хисеплӗ донорсене кӑкӑр палли парса чысланӑ. Ҫак йышра ултӑ ҫын пулнӑ, вӗсем – Шупашкарта, Ҫӗнӗ Шупашкарта тата Канашра пурӑнакансем.
Хальхи вӑхӑтра республикӑра 9 пин ытла донор пурӑнать. Вӗсенчен 4,7 пин ытларахӑшӗ «Раҫҫейӗн хисеплӗ донорӗ» ята тивӗҫнӗ.