Автобус кӗтсе тӑма кӑмӑллӑ

Хӗрлӗ Чутай округӗнчи Калкасси ялӗнче вырӑнти хастарсем пуҫарнипе шкул автобусӗн чарӑнӑвне ӳкерчӗксемпе илемлетнӗ. Ҫак ӗҫе тӑваканӗ – Хӗрлӗ Чутай тӑрӑхӗн ӳнерҫи Станислав Маков. Ахаль чарӑнуран вӑл чӑн-чӑн арт-объект тунӑ.
Ҫынсем ыйтнипе Станислав Маков чарӑнӑва ӳкерсе хитрелетнӗ. Ку чарӑнуран шкул ачисем автобуспа вӗренме ларса каяҫҫӗ. Ҫавӑнпа Станислав Маков ӳкерчӗксене шкул темипе ҫыхӑнтарнӑ. Унтах «Учись! Мечтай! Твори!» тесе ҫырнӑ.
Шкул ачисем питӗ кӑмӑллӑ. Халӗ автобус кӗтсе тӑма та меллӗ.