Ҫурла уйӑхӗччен пырӗ

Чӑваш Ен «Раҫҫейри ҫулталӑк йывӑҫӗ» пӗтӗм Раҫҫейри конкурса хутшӑнать. Хальхинче конкурсра Шупашкар округӗнче Карачура лесничествинче ӳсекен Киремет-юман тупӑшать.
Юман – Кӑшавӑш ялӗнчен инҫех мар. Вӑл 300-е яхӑн ҫул ӳсет. Ҫӳллӗшӗ – 30 метр. Унӑн пӗлтерӗшӗ те хӑйне евӗр: хӑй вӑхӑтӗнче унта чӑвашсем йӑла-йӗрке туса ирттернӗ, вӑл вӗсемшӗн сӑваплӑ йывӑҫ шутланнӑ.
Сасӑлав ҫурла уйӑхӗн 1-мӗшӗччен пырать. Чӑваш юманӗшӗн сасӑлас тесен rosdrevo.ru сайта кӗрсе 73-мӗш номере тупмалла.
Аса илтеретпӗр, 2023 ҫулта конкурсра Муркаш округӗнчи 327 ҫулти юман ҫӗнтернӗ пулнӑ, уншӑн 21571 ҫын сасӑланӑ.