Улмуҫҫисем лартнӑ

Шупашкарти «Амазония» паркра «Рудольф» сортлӑ 20 улмуҫҫи лартнӑ. Ҫапла «Кӗрен кӳлӗ» пулса тухнӑ.
Йывӑҫсем тымар ярса вӑй илме тытӑннӑ ӗнтӗ. Вӗсем ахаль йывӑҫсем мар – ландшафт дизайнӗ пекех. Кашни ҫуркунне улмуҫҫисем кӗрен чечек ҫурса парка илем кӳрӗҫ. Вӗсем чӑн та кӗрен кӳлӗ пекех курӑнӗҫ.
Улмуҫҫисене лартас ӗҫе хулари 100 ытла ҫын хутшӑннӑ. Ҫавӑнтах вӗсем ботаниксенчен эколологи вӑрттӑнлӑхӗсене пӗлнӗ.