Ытларикун, çу уйăхĕн 26-мĕшĕнче, Канаш тăрăхĕнчи шкулсенче юлашки шăнкăрав янăранă. Округ пуçлăхĕ Валерий Чернов çав кун хулари 3-мĕш шулта йĕркеленĕ уяв мероприятине хутшăннă.
«Юлашки шăнкăрав — вĕренÿ çулталăкĕ вĕçленни кăна мар, пурнăçăн тепĕр яваплă тапхăрне куçни те. Шкултан вĕренсе тухакансене пурне те çирĕп вăй-хал тата ăнăçу сунатăп», — тенĕ Валерий Анатольевич выпускниксене саламланă май.
Канаш тăрăхĕнче 34 шкул ĕçлет, вĕсенче 9231 ача пĕлÿ илет. Пĕр вĕрентекене вăтамран 15 вĕренекен тивет, классенче вăтамран 27 ача вĕренет.
Кăçал 9-мĕш классенчен 1056 ача вĕренсе тухать. Чылайăшĕ вăтам професси пĕлĕвĕ илме васкĕ, çав вăхăтрах шкула 10-мĕш класа килекенсем те пулĕç. 344 выпускникăн вара патшалăхăн пĕрлехи экзаменĕн тĕрĕслевĕ витĕр тухма тивĕ.
Кашни çамрăка экзаменсене ăнăçлă тытса пурнăçра хăйсен вырăнне тупма ăнăçу сунатпăр.
