Сумлӑ хӑнасем хутшӑннӑ

Ҫу уйӑхӗн 29-мӗшенче Пушкӑртстанри Пелепей тӑрӑхӗнчи Слакпуҫ ялӗнче чӑваш литература классикне, вилӗмсӗр «Нарспи» поэмӑн авторне Константин Иванова халалласа «Санӑн ятупа мӑнаҫланатпӑр» уяв иртнӗ.
Унта Мускаври, Чӑваш Енпе Тутарстан Республикисенчи, Ульяновск облаҫӗнчи сумлӑ хӑнасем хутшӑннӑ. Вӗсен йышӗнче – Раҫҫей Геройӗ, Раҫҫейри чӑвашсен наципе культура автономин председателӗ Николай Гаврилов генерал-лейтенант, Мускавра 1980 ҫулта иртнӗ Олимп вӑййисен призерӗ, ирӗклӗ майпа кӗрешессипе СССР спорт мастерӗ Сергей Корнилаев тата ыттисем те пулнӑ.