Республикӑри ҫамрӑк воинсем Муркаш райо- нӗнчи «Солнышко» лагере пуҫтарӑннӑ.
Унта «Ҫамрӑк паттӑрсен вӑхӑчӗ» смена уҫӑлнӑ. Ку – «Воин» тата «Авангард» центрсен пӗрлехи проекчӗ.
«Авангард» центр директорӗн ҫумӗ Анна Володина пӗлтернӗ тӑрӑх, тӗрлӗ хулапа округран 14-17 ҫулсенчи 300 яшпа хӗр пухӑннӑ. Вӗсем пӑшалтан тӗл перес, пӗрремӗш пулӑшу парас, пилотсӑр вӗҫекен аппаратпа ӗҫлеме вӗренес тата ытти енӗпе ӑсталӑха туптаҫҫӗ.
Занятисем хыҫҫӑн тӗрлӗ мероприяти иртет: фестивальсем, тӗлпулусем, турнирсем, вӑйӑсем.
