Çурхи ĕçсем вĕçленсе пыраççĕ

Хальхи вăхăт тĕлне республикăра çурхи культурăсене 247 пин ытла гектар çинче акнă.
Çĕмĕрле, Елчĕк, Патăрьел, Сĕнтĕрвăрри, Çĕрпÿ тата Комсомольски округĕсенче уйрăмах тăрăшса ĕçлеççĕ. Элĕк тата Хĕрлĕ Чутай тăрăхĕсенче сенаж хатĕрлеме те тытăннă.
Республика Пуçлăхĕ Олег Николаев çурхи уй-хир ĕçĕсене ку эрнере вĕçлеме хушнă. «Халӗ чи пĕлтерĕшли – хӑвӑртлӑха чакармалла мар. Паллах, ӗҫ пахалӑхӗ пирки те манмалла мар», – тенĕ вăл.